අන්තර්ජාලයේ ඊමේල් මගින් පණිවිඩ යැවීමට අද බොහෝදෙනෙක් උනන්දු වෙති.ඊමේල් පණිවිඩ යනු පරිගණකයෙන් සකස් කළ ලේඛනයක් එක් පරිගණයක සිට තවත් පරිගණකයක් වෙත යැවිය හැකි මාධ්‍යයකි.මෙහිදී අන්තර්ජාලය උපයෝගී කරගන්නා අතර පණිවිඩය යවන්නාට හා ලබන්නාට වෙන් වෙන්ව සංකේත කළ ඊමේල් ලිපිනයන් පැවතිය යුතුය.ඊමේල් මගින් යතුරු පුවරුවෙන් සකස් කළ ලිපි මෙන්ම ඡායාරූප,ශබ්ද,වීඩියෝ,මෘදුකාංග ආදී විවිධ දේ හුවමාරු කරගත හැකිය.එකම ඊමේලය එක් අයකුට හෝ විශාල පිරිසකට එකවර යැවීමටද හැකිය.පණිවිඩය නිකුත් කරන වේලාවේ ඊමේලය ලබන්නා තමන්ගේ ඊමේල් බලන පිටුවට ගොස් සිටිය යුතු නැත.පැමිණි ඊමේලයක් දිගු කලක් යනතුරු රඳවා තබා ගත හැකිය. ඊමේලයක් ලැබුණ විට එය එව්වේ කවුද කවර වේලාවකද මාතෘකාව කුමක්ද ආදිය සටහන් වන අතර එය නරඹා අවශ්‍ය නම් එතැනම ප‍්‍රති උත්තර යැවීමට හෝ එය තවත් අයට බලාගන්නට හරවා යැවීමේ හැකියාවද පවතී.
ඊමේල් යැවීමේ තාක්‍ෂණය කුමක්ද?වර්තමානයේ අන්තර්ජාලය ඔස්සේ ඊමේල් යවන ප්රධාන ක්රම 3ක් තිබේ.
වෙබ් අඩවි ආශ‍්‍රිත ඊමේල්
පොප්-3
අයි-මැප්
වෙබ් අඩවි ආශ‍්‍රිත ඊමේල්බොහෝ දෙනෙකු අතර ප්රචලිත යාහූ-ජීමේල්-හොට්මේල් ආදිය මේ ගණයට අයත්ය.නොමිලේ ලියාපදිංචි වීමෙන් පසු ඊමේල් ගොනුවට තමන් යෙදූ නම හා රහස්පද යෙදීමෙන් සුරක්‍ෂිතව ඇතුළුවිය හැකිය.
පොප්-3 හා අයි-මැප්මෙම ඊමේල විශේෂයන් දෙක වැඩි වශයෙන් භාවිතයට ගන්නේ, කිසියම් ආයතනයක නම ඇට් සංකේතයෙන් පසුව අගට යොදා ඇති ඊමේල් ලිපින සඳහාය.මෙහිදී එම ආයතනය විසින්ම මුදල් ගෙවා අන්තර්ජාලය තුළ වෙන් කරගත් සර්වරයක සහාය ලබාගෙන ඊමේල් යැවීම/ලැබීම සිදු කරනු ලබයි.
මෙම ඊමේල් හැසිරවීම සඳහා පරිගණකයේ ස්ථාපනය කළ අවුට්ලූක් එක්ස්ප‍්‍රස් වැනි මෘදුකාංගයක සහාය ලබා ගත යුතු අතර අදාළ නම් හා රහස් පද එක්වරකදී එම මෘදුකාංගයට ඇතුළු කරගත් පසු ඊමේල් බලන සෑම වාරයකදීම ඒවා ඇතුළු කිරීමට අවශ්‍ය නොවේ.
පොප්-3 ක‍්‍රමයේදී ඊමේල් ලැබුණු විගස සර්වරයෙන් අදාළ ඊමේලය පරිගණකය වෙත හරවා එවන අතර සර්වරයෙන් එය ඉවත් කර ගනී.අයි-මැප් ක‍්‍රමයේදී එසේ ඉවත් කර නොගෙන සර්වරයේ තිබෙන ඊමේලයේ කොපියක් පමණක් පරිගණකයට පිටපත් කර ගනී.
මෑතක සිට පොප්-3 හා අයි-මැප් පහසුකම ජීමේල් මගින්ද ලබා දෙයි.
ඊමේල් තාක්‍ෂණික සීමා කම්එක් එක් ඊමේල් සපයන්නන් අනුව ඊමේල් යැවීමේදී ඒවායේ අන්තර්ගතයේ බර(බයිට්ස් ගණන) සීමාවන්ට යටත්වෙයි.එසේම එකවර යැවිය හැකි ඊමේල් ලිපින ගණනද සීමා සහිත වෙයි.එසේම සමහර ඊමේල් සපයන්නන් ආරක්ෂාව සලකා ඇතැම් ෆයිල් වර්ග හුවමාරුව සඳහා ඉඩ නොදෙයි(මෘදුකාංග ආදිය)
එමෙන්ම එක් ලිපිනයක් හිමි කරුවෙකුගේ ඊමේල සියල්ල තැන්පත් කිරීම සඳහා ලබාදෙන ඉඩකඩද සීමාවන්ට යටත් වෙයි.
මෙම සීමාවන් සඳහා උදාහරණ
ජීමේල්
උපරිම එක් ඊමේලයක බර - මෙගා බයිට් 10
එකවර යැවිය උපරිම ඊමේල ගණන - 100
යැවිය නොහැකි ෆයිල් වර්ග- ඊඑක්ස්ඊ උප නාමය ඇති මෘදුකාංග ෆයිල්
මුළු ඊමේල් ගොනුවේ උපරිම තැන්පතුව-ගිගා බයිට් 7.2
ඊමේල් භාවිතාවේ ප්රයෝජනළගාවීමට පහසු නැති තැනකට ලිපියක් /බහුමාධ්‍ය අංගයක් යැවීමේ පහසුව
කිසියම් ලේඛනයක මූලික මෘදු පිටපත යැවිය හැකිවීම නිසා එය ලබන්නාට අවශ්‍ය පරිදි සංස්කරණයට ඉඩ ලැබීම
බහුමාධ්‍ය අංග රැසක එකතුවක් එකවර යැවිය හැකි නිසා යම් ප‍්‍රකාශනයක් වඩා ප‍්‍රබල ලෙස කළ හැකිවීම
ඊමේල අතර සාකච්ඡාවන් ගොඩනැගීමට අවස්ථාව සැලසීම
ලැබුණ ඊමේලයක් එක් අයකු තවත් අයටත් ඒ අය තවත් අය අතරත් බෙදාහැරීමට හැකිවීමෙන් පණිවිඩ පැතිරවීමේ මාධ්‍යයක් ලෙස ප‍්‍රයෝජනවත්ය.
ලැබුණ පණිවිඩ තැන්පත්වීම නිසා අවශ්‍ය වේලාවට යළි ලබාගත හැකි ලිපි ගොනුවක් ලෙස සංවිධානය කිරීමට ඇති හැකියාව.
කිසියම් සංගමයක නිල පණිවිඩ ලබාදීමේ සේවාවක් ලෙස පවත්වා යාමේ පහසුව.
ඊමේල් හා පුද්ගලිකත්වයඊමේල් පණිවිඩ යැවීමට බලාපොරොත්තුවන අයකු පළමුවෙන්ම තමන් නියෝජනය කරන ඊමේල ලිපිනයක් සකස් කරගත යුතුවෙයි.මෙම ක‍්‍රියාවලියේදී මේ වනවිට වෙනත් අයකු යොදා නොගත් ලිපින ලබාදීමට අදාළ ඊමේල් පහසුකම් සපයන්නන් වග බලාගනී.බොහෝවිට එම ලියාපදිංචියේදී පුද්ගලික දත්ත විමසන අතර වෙනත් අයකුට ඒවා වෙනස් කළ නොහැකි ලෙස මුර පද හා මුරපද ඉගි පවා විමසා සිටී.කෙසේ වෙතත් අපගේ ලිපිනය සහිත ඊමේලයක් යම් අයකු වෙත ලැබුණ විට එය එතැනින් තවත් තැනකට හරවා යැවීමකදී හෝ ලිපින ගණනාවක් සමග කොමාව යොදමින් අපගේ ලිපිනයද වෙත:- යන්නට පසුව යොදන අවස්ථාවකදී අප නොදන්නා බාහිර පුද්ගලයින් වෙත අපගේ ලිපිනය හෙළිදරව් වේ.එය පිටපත් කර ඕනෑම අයකුට අපට ඊමේල එවිය හැකිය.අන්තර්ජාලය තුළ සමහර වෙබ් අඩවි විවිධ කාරණා සඳහා සිදු කරන ලියාපදිංචි කිරීම් වලදීත් අපගේ ඊමේල ලිපිනය සැපයිය යුතු අතර එවැනි අවස්ථාවල එම අඩවි වලින් බාහිර පුද්ගලයින් අතටද ඊමේල ලිපින පිටපතක් යොමු වන අවස්ථා තිබේ. එවිට අපගේ කාරණාවට අදාළව පමණක් නොව ඇතැම් වෙනත් අලෙවිකරණ අරමුණු සඳහාද බාහිර ඊමේල් අපට ලැබේ.මෙම ඊමේල ස්පෑම් හෝ බල්ක් හෝ ජන්ක් යන නම් වලින් හඳුන්වනු ලැබේ.ඒවායින් බේරීමට අපහසු වන තත්වයක් මේ වනවිට ඇතිව තිබේ.සමහර ඊමේල් පහසුකම් සපයන්නන් ඒ වෙනුවෙන් වෙනම පෙරනයන්ද හඳුන්වාදී තිබේ.එයට අමතරව කරදරකාරී ඊමේල් ලිපින දන්නේ නම් ඒ නමින් එන ඊමේල් අවහිර කරවීමේ ක‍්‍රමද ඊමේල් පහසුකම් සපයන්නන් හඳුන්වාදී තිබේ.
ඊමේල් සමාජ කණ්ඩායම්-පුවත් හසුන්ඊමේල් යැවීම පුද්ගලික පණිවිඩයකට සීමා නොවී එමගින් පොදුවේ බෙදාහදාගත හැකි තොරතුරු,දැනුම,විනෝදය ලබාදීමේ ක‍්‍රමවේදයන් බිහිවීම සමග යාහූ ගූගල් වැනි ප‍්‍රමුඛ පෙළේ සේවා සපයන්නන් ඊමේල් කණ්ඩායම් ක්රමය හඳුන්වා දෙනු ලැබූ අතර එහිදී සිදුවන්නේ, තමන් කැමති විෂය පථයක් යටතේ ක්රියාත්මක වන ඊමේල් කණ්ඩායමකට තමන්ට ලියාපදිංචිවීමට හැකි වීමයි.මෙම කණ්ඩායමකට බැඳුන විට එම කණ්ඩායමේ නමට සාමාජිකයෙකු යවන ඊමේලයක් එකවර එම කණ්ඩායමේ සියල්ලන්ටම ලැබේ.එම ගණන දස දහස් ගණනක් විය හැකිය.එයට ප්රතිචාර තිබේ නම් එයද සියල්ලන්ටම කියවීමට ලැබෙන සේ ඊමේල් කළ හැකිය.අවශ්‍ය ඕනෑම විටක මෙම සාමාජිකත්වයෙන් ඉවත්වීමටද හැකි අතර මෙම කණ්ඩායම් ක‍්‍රමයම භාවිතා කරමින් ඇතැම් සංගම් ඔවුනගේ වාර ප්රකාශන ‘පුවත් හසුන්’ ලෙස යැවීමේ ක‍්‍රමද අරඹා ඇත.මේ වන විට අලෙවිකරණ ප‍්‍රචාරක මාධ්‍යයක් ලෙසද ඊමේල් කාණ්ඩ භාවිතයට ගැනෙයි.
ඊමේල් ජිවිතයේ අංගයක් ලෙසඅද වන විට දිනපතා උදෑසන තමන්ගේ ඊමේල් පරීක්ෂා කර බැලීම බොහෝ පිරිසකට කාර්යාලයීය අංගයක් බවට පත්ව තිබේ. ඇතැම් අය දවසේ අවස්ථා දෙක තුනකදීත් සමහරු ඊටත් වැඩි වාර ගණනකදීත් ඊමේල් පරීක්ෂා කරති.ඊමේල් මගින් සත්‍යය මෙන්ම අසත්‍යයද පැතිරවිය හැකිය.
සිදුකරන මෘදුකාංග රාශියක් මේ වන විට අප අතර භාවිතයේ පවතී.ඒවායේදී එය තද කිරීමට අමතරව ෆයිලයක් නිශ්චිත කොටස් වලට කඩා වෙන් කරදීමද සිදු කරනු ලබයි.
Euro Trip(2004) විකට සිනමාවට එක්වූ තවත් අපූරු නිර්මාණයකි.ඊමේල් සම්බන්ධය අවහිර වීම නිසා පෙම්වතිය සොයා ඇමරිකාවේ සිට 
එංගලන්තයටත් එතැනින් යුරෝපය පුරා ඇවිද ජර්මනියටත් යන පෙම්වතකු හා ඔහුගේ මිතුරු පිරිස ලබන හාස්‍යජනක අත්දැකීම් ඇසුරින් මෙම චිත්‍රපටය අපූරුවට නිර්මාණය කර ඇත.
මේ නිසා කාලයක් තිස්සේ අන්තර්ජාලයේ සැරිසරන බොහෝ දෙනෙකු අන්‍යයන්ගේ අදහස් හා මතවාද රැගත් වෙබ් අඩවිවලට පිවිසීම කළ අතර තමන්ගේ අදහස් පළකිරීමේ අවශ්‍යතාව තිබුණත් එයට තිබුණ ඉඩ ප්‍රස්ථා අවම විය.